Adhuri Shaam

Ek adhuri shaam aur kuch pal adhure,

Sapne the bahot ho na sake pure.

Tha waqt bhi adhura aur jazbaat bhi thi adhuri,

Dhadkono ki adhuri awaaz ho na saki puri.

The saath wo bhi per lagte the adhure,

Aisi rut chali hue hum bhi adhure.

Zindagi ke is lambe safar me hum kyu the adhure,

Log milte gaye rishte hue na pure. 

Aankho me tasveer unki dikhti thi adhuri,

Dekhta hun yahan wahan badh gayi thi doori. 

Karni thi kuch baatein per saasein thi adhuri,

Waqt badhta gaya baat ho na saki puri.

Kuch khwaab abhi bhi the ahhure,

Wo baatein reh gayi adhuri.

Mohabbat Ki Mahek

Mohabbat Ki Mahek

Gulaboon si mehakti khushboo ho gayi hun,

Mohabbat ki ek nanhi kali ho gayi hun.

Usne mujhe aisi nighoon se dekha,

Ab to ek pal me mai badi ho gayi hun.

Kiya hai waada sar e Aaam aane ka usne,

Ajj to sawar ke mai us raah per khadi ho gayi hun.

Nahi chuda paoge mujhse apna haath ab,

Mohabbat ki ek hath kadi ban gayi hun.

Na jane kaha kho gaya hai meri khushiyon ka mausam,

Anjane ghamon ki jhadi ban gayi hun.

Ab koi juda na kar payega mujhko tumse,

Ek aisi phoolo ki khushboo ban gayi hun.

The Kuch Pal Aise Bhi

The Kuch Pal Aise Bhi

Unki mohabbat me kho jane ka khayaal tha,

Unka he hokar reh jana ye khwaab tha hume.

Khojti rehti thi titliyan aksar hum ko,

Apne aap se juda hone ka khumaar tha hume.

Unki palkon ki chaaw me sone ki aadat thi abto,

Unke ishq ne kar diya tha behaal hume. 

Zarooraton me kho jane ki aadat thi hum ko,

Unhone ne khud ko pane ki mohallat nahi di hume.

Waqt ke kuch is kadar bikher diya,

Beete lamho ko sawarne ka mauka bhi nahi diya hume.

Adhure Jazbaat

Adhure Jazbaat

Aaj ajeeb sa dil me eahsaas hai,

Lagta hai aaj hone wala kuch khaas hai.

Na khelo is dil se aye zaalim,

Aaj bas me nahi hamare jazbaat hai.

Kabhi lagti door to kabhi aati paas hai,

Aaj mausam me na jane kya baat hai.

Uthi hai umang ajeeb si dil me,

Jaise har waqt koi is dil ke paas hai.

Na khelo is dil se aye zaalim,

Aaj bas me nahi hamare jazbaat hai.

Kahani likh raha hun apni ya isme bhi koi baat hai,

Nahi samajh pata hai ye dil na jane kya raaz hai.

Koi bata de hume zara mohabbat ki kya jaat hai,

Kho se gaye hain ab to uljhan ye din raat hai.

Na khelo is dil se aye zaalim,

Aaj bas me nahi hamare jazbaat hai.